د افغانستان ډيپلوماټيک او سیاسي تاریخ | لومړی فصل المغرب

“د افغانستان ډپلوماټيک او سياسي تاريخ” دئ چي ليکوال پوهندوی حسن کاکړ کوښښ کړی چي د افغانستان د تاريخ شاوخوا څلوېښت کلونو(۱۹۰۱-۱۸۶۳ع) سياسي او ډپلوماټيکو اړيکو علمي-څېړنيزه ششنه وکړي. ددې کتاب اکثره منابع بکر او نوي دي، چي د ارواښاد کاکړ ژَوري څېړني کتاب لا پسي خوږ کړي دئ. کتاب کي د هيواد د تاريخ ځيني هغه پيښي چي د ځينو شکمنو او تېر ايستونکو مورخينو لخوا د ګډوډۍ او شک تر سيوري لاندي دي، ښې سپړلې او د ځوان کهول د پاره ښه لارښود کېدای سي. کتاب د پوهاند کاکړ د دوکتورا تيزس دئ چي اصلاً په انګرېزي ليکل سوی، خو دغه کتاب بيا د علامه رشاد اکاډيمۍ په هڅو د نسيم سليمي په خواږه سبک پښتو ته ژباړل سوی دئ. د تاريخي مالوماتو دغه خزانه، ۴۲۴مخه، دولس فصله، ۶ ضميمې،۷۸۰سرچينې او۱۰۰موضوعات لري. #Audio_book #Afghanistan_history #Book_reading #insan_media

الفئة